【莎朗午餐】中環人氣鯛白湯拉麵
公司附近有間鯛魚湯拉麵係大阪人氣店🔥
今日滿心期待地咁諗住同同事去試下
12:15左右到，排左幾分鐘有位
三個都叫左signature嘅鯛白湯
$138碗，唔平，唔係我隻愛股升左💰我都未必想去食lol
係我好爭扎鯛白湯好定清湯好時
碗麵已經到左，我地加多左兩隻溏心蛋
麵質ＯＫ，好彈，彈到我成身都係
幼身煙韌又掛到湯，唔錯👍。
麵上的一片薄薄叉燒非常軟身好食🥩
好似食緊５成熟的薄牛肉切片咁嫩，質感滑嫩。
筍乾切成○▽ 形，厚身無渣有驚喜。
上面還有洋蔥、灸燒過的鯛魚肉碎🐟，非常之香。
去到呢個位我都仲覺得ＯＫ
但一飲個湯就知瀨野！！
柚子醬係碗邊，相信係提鮮同食到中段中和過濃的魚味‥‥
但唔好以為我讚緊佢
我覺得佢個湯真心出事：好腥！一行三人都覺得腥。
我仲係食慣魚生、刺身、飲魚湯大，都覺得好腥😥！
之前我係德島食的海膽鳴門鯛魚湯拉麵
同樣creamy但絕無腥味
其實魚味同腥味真係只差一線
最後我們三個竟然要去買杯水果茶沖左陣腥味🍹‥‥
我覺得真係最大敗筆。
🍜鯛白湯拉麵—HK$138
📍 ○de▽ 鯛白湯らーめん
地址：中環鴨巴甸街13號
Search